قاموس مصطلحات التسويق والقياس
كل مصطلح بتعريف في سطرين، والمعادلة لو ليه معادلة، ورابط للمقال اللي بيشرحه بالتفصيل. مكتوب عشان صاحب البيزنس يقرا تقريره ويفهمه من غير ما يسأل حد.
أرقام الربحية
الأرقام اللي بتحدد هل الإنفاق ده مربح ولا لأ. دي اللي بيتاخد عليها قرار.
- هامش المساهمة Contribution Margin
هامش المساهمة = سعر البيع − (تكلفة البضاعة + الشحن + الرسوم + تكلفة البيع المتغيرة)اللي بيفضل من كل بيعة قبل المصاريف الثابتة. ده الرقم اللي بيتحسب منه سقف تكلفة العميل — مش الإيراد ومش الربح الصافي.
الشرح الكامل- نقطة التعادل Break-even ROAS
نقطة التعادل = 1 ÷ نسبة هامش المساهمةأقل ROAS مايخلّيكش تخسر. هامش 25% معناه تعادل عند 4، وهامش 60% معناه تعادل عند 1.67 — فمفيش رقم ROAS «كويس» بشكل عام.
الشرح الكامل- سقف تكلفة العميل Max CPA / CAC ceiling
سقف تكلفة العميل = هامش المساهمة للأوردر − الربح المستهدفأقصى مبلغ تقدر تدفعه لجلب عميل وتفضل رابح. أي حملة فوق السقف ده بتخسّر مهما كان شكل المؤشرات في المنصة.
الشرح الكامل- العائد على الإنفاق الإعلاني ROAS
العائد على الإنفاق الإعلاني = إيراد الحملة ÷ إنفاق الحملةمؤشر داخل المنصة بيقيس الإيراد المنسوب للحملة. مابيعرفش هامشك، فمابيقولش ربح ولا خسارة لوحده.
الشرح الكامل- العائد على الربح POAS
العائد على الربح = الربح ÷ الإنفاق الإعلانيزي ROAS بس بالربح بدل الإيراد. أقرب مؤشر لحقيقة البيزنس لما يكون الهامش مختلف بين المنتجات.
الشرح الكامل- نسبة الكفاءة الإعلانية MER · Media Efficiency Ratio
نسبة الكفاءة الإعلانية = إجمالي إيراد البيزنس ÷ إجمالي الإنفاق الإعلانيمؤشر على مستوى الشركة كلها مش الحملة. بيتحسب من نظام المبيعات فمابيتأثرش بنوافذ الإسناد ولا ازدواج الاحتساب بين المنصات.
الشرح الكامل- تكلفة الاكتساب CPA · Cost per Acquisition
تكلفة الاكتساب = الإنفاق ÷ عدد التحويلاتتكلفة الحدث اللي بتحسّن عليه. لازم يتقارن بسقف التكلفة الجاي من الهامش مش بمتوسط السوق.
الشرح الكامل- تكلفة الليد CPL · Cost per Lead
تكلفة الليد = الإنفاق ÷ عدد الليدزأرخص رقم يسهل تحسينه وأقلهم دلالة. ليد رخيص بنسبة تأهيل صفر أغلى من ليد غالي بيقفل.
الشرح الكامل- تكلفة الليد المؤهل CPQL
تكلفة الليد المؤهل = الإنفاق ÷ عدد الليدز المؤهلةالرقم اللي المفروض يتحسّن عليه في بيزنس الليدز، لأنه بيحاسب على الجودة مش على العدد.
الشرح الكامل- تكلفة العميل CAC · Customer Acquisition Cost
تكلفة العميل = الإنفاق ÷ عدد العملاء اللي اشتروا فعلًاالتكلفة الحقيقية لجلب عميل دافع. أهم من تكلفة الليد بكتير لأنها بتعدّي كل التسريب اللي بين الليد والبيعة.
الشرح الكامل- متوسط قيمة الأوردر AOV · Average Order Value
متوسط قيمة الأوردر = إجمالي الإيراد ÷ عدد الأوردراتمدخل أساسي في حساب الميزانية وسقف التكلفة. رفعه بيوسّع مساحة الإنفاق المسموحة من غير ما تلمس الحملة.
الشرح الكامل- القيمة الدائمة للعميل LTV · Lifetime Value
إجمالي الربح المتوقع من العميل على مدى تعامله معاك. بتبرّر تكلفة اكتساب أعلى في البيزنس اللي فيه تكرار شراء — بس لازم تتحسب من بيانات حقيقية مش من تفاؤل.
الشرح الكامل
مؤشرات المنصات
التعريفات دي مترجمة من التوثيق الرسمي للمنصات — عشان مايبقاش فيه خلاف على معنى الرقم في التقرير.
- الظهور Impressions
عدد المرات اللي إعلانك ظهر فيها على الشاشة. ده رقم مرات مش رقم أشخاص.
الشرح الكامل- الوصول Reach
عدد الحسابات اللي شافت إعلانك مرة على الأقل. التوثيق الرسمي بيوصفه بإنه مؤشر تقديري — فأي استنتاج مبني عليه لازم يتقال بتحفّظ.
الشرح الكامل- التكرار Frequency
التكرار = الظهور ÷ الوصولمتوسط عدد المرات اللي كل شخص شاف فيها إعلانك. ارتفاعه مع ثبات النتيجة إشارة على تشبّع الجمهور أو تآكل الكرييتف.
الشرح الكامل- معدل النقر CTR · Click-Through Rate
معدل النقر = النقرات ÷ الظهورمؤشر تطابق بين الرسالة والجمهور. عالي مع تكلفة عميل عالية معناه إن الوعد في الإعلان مش مطابق للي بعد الضغطة.
الشرح الكامل- تكلفة النقرة CPC · Cost per Click
متوسط تكلفة كل نقرة. سعر دخول الزيارة — مش سعر النتيجة.
الشرح الكامل- تكلفة الألف ظهور CPM · Cost per Mille
متوسط تكلفة 1000 ظهور. بيرتفع بالمنافسة والموسم، فارتفاعه مش بالضرورة خطأ في الحملة.
الشرح الكامل
القياس والإسناد
المصطلحات اللي بتفسّر ليه رقم المنصة مختلف عن رقم مبيعاتك.
- الإسناد Attribution
نسبة التحويل لنقطة تماس معيّنة. اختلاف طريقة الإسناد بين منصتين بيخلّي نفس البيعة تتحسب مرتين أو ماتتحسبش خالص.
الشرح الكامل- نافذة الإسناد Attribution Window
المدة اللي المنصة بتنسب فيها التحويل للإعلان. ميتا بتستخدم نافذة نقرة 7 أيام افتراضيًا لو ماحددتش غيرها — وتغييرها بيغيّر أرقامك من غير ما يتغيّر أداؤك.
الشرح الكامل- الإسناد المبني على البيانات Data-driven Attribution
نموذج بيوزّع الفضل على نقاط التماس بناءً على بيانات الحساب نفسه بدل قاعدة ثابتة زي «آخر نقرة».
الشرح الكامل- واجهة أحداث السيرفر Conversions API
إرسال أحداث التحويل من السيرفر بدل المتصفح، عشان تقلّ الأحداث الضايعة بسبب حاصرات الإعلانات وقيود المتصفحات.
الشرح الكامل- منع الازدواج Event Deduplication
منع احتساب نفس الحدث مرتين لما يتبعت من البيكسل والسيرفر مع بعض — بيتم بمطابقة اسم الحدث ومعرّف موحّد للحدث.
الشرح الكامل- استيراد التحويلات الأوفلاين Offline Conversion Import
رفع نتيجة البيعة اللي حصلت خارج الموقع لمنصة الإعلان، عشان تحسّن على «الليدز اللي بتقفل» مش على «عدد الليدز».
الشرح الكامل- معرّف النقرة من جوجل GCLID
كود بيتحط على الرابط لما حد يضغط على إعلان جوجل. تخزينه مع الليد هو اللي بيسمح بربط البيعة النهائية بالإعلان اللي جابها.
الشرح الكامل
التشغيل والمزايدة
المصطلحات اللي بتحكم إمتى تعدّل الحملة وإمتى تسيبها.
- مرحلة التعلّم Learning Phase
الفترة اللي نظام التوزيع بيجمّع فيها إشارات كفاية قبل ما يستقر. ميتا بتذكر 50 حدث خلال 7 أيام كحد لاستقرار التعلّم، والحكم قبل كده بيبقى حكم على ضوضاء.
الشرح الكامل- التعديل الجوهري Significant Edit
تعديل كبير على المجموعة الإعلانية بيرجّعها لمرحلة التعلّم من أول وجديد ويصفّر عدّاد التحويلات المحسوبة.
الشرح الكامل- المزايدة الذكية Smart Bidding
استراتيجيات مزايدة بتعتمد على بيانات التحويل لضبط العروض آليًا. جوجل بتوصي بتقييمها على فترة فيها 30 تحويل على الأقل.
الشرح الكامل- تكلفة الاكتساب المستهدفة Target CPA
استراتيجية بتستهدف متوسط تكلفة تحويل محدد. توثيق جوجل الحالي بيقول إن المعلن يقدر يبدأها من غير أي تاريخ تحويلات — على عكس المتداول.
الشرح الكامل- العائد المستهدف Target ROAS
استراتيجية بتستهدف متوسط عائد محدد على الإنفاق. ليها شروط بيانات معلنة بتختلف حسب نوع الحملة.
الشرح الكامل- الميزانية اليومية المتوسطة Average Daily Budget
في جوجل دي متوسط على مدار الشهر مش سقف يومي: الصرف اليومي ممكن يوصل لضِعف المتوسط، والشهري محدود بـ30.4 × المتوسط اليومي.
الشرح الكامل- الدلالة الإحصائية Statistical Significance
إن الفرق اللي شايفه بين نسختين غالبًا مش صدفة. تجارب جوجل بتحسبها باختبار ثنائي الطرف عند فاصل ثقة 95%.
الشرح الكامل
الفَنَل والمبيعات
المصطلحات اللي بتربط الإعلان بالبيعة — وهي اللي بيحصل فيها أكبر تسريب.
- الفَنَل Funnel
المسار من أول ظهور لحد البيعة. التسريب بيحصل في الوصلات بين المراحل أكتر ما بيحصل جوه المراحل نفسها.
الشرح الكامل- الليد المؤهل Qualified Lead
ليد مطابق لتعريف مكتوب ومتفق عليه قبل الحملة. من غير التعريف ده، المبيعات والتسويق بيتخانقوا على الجودة بدل ما يقيسوها.
الشرح الكامل- نسبة الإقفال Close Rate
نسبة الإقفال = عدد الصفقات المكسوبة ÷ عدد الفرصأقوى رافعة في حساب الميزانية: رفعها بيقلل الميزانية المطلوبة لنفس الهدف من غير ما تلمس تكلفة الليد.
الشرح الكامل- زمن أول رد First Response Time
المدة بين وصول الليد وأول رد حقيقي عليه. من أكتر العوامل اللي بتحرق ليدز مدفوعة من غير ما تظهر في أي تقرير إعلاني.
الشرح الكامل- إعادة الاستهداف Retargeting
الوصول لناس اتفاعلت مع أصولك (زارت الموقع، شافت فيديو، تفاعلت مع الصفحة) بإعلانات مدفوعة.
الشرح الكامل- إعادة التسويق Remarketing
الرجوع لعملاء أو ليدز موجودين عندك بالفعل عن طريق قنواتك المملوكة — إيميل، واتساب، رسايل — مش عن طريق المزاد الإعلاني.
الشرح الكامل- سبب الخسارة Loss Reason
السبب المسجّل لكل صفقة اتخسرت. تجميعه بيحوّل الخسارة لمعلومة تعدّل العرض والتسعير والرسالة بدل ما تفضل مجهولة.
الشرح الكامل
عايز تقرأ أرقامك بنفسك؟
ابدأ من حاسبة الربحية — بتطلّع سقف تكلفة العميل ونقطة التعادل من هامش ربحك.